تجيني بعد ما حبيت غيرك
حبيبي ليه هاللحظة تجيني؟؟
حسايف توك تغير مسيرك
تجي يوم انطفت شمعة حنيني
صبرت سنين أبي صحوة ضميرك
ولا فكرت في اللي صار فيني
زرعتك ورد واشتقت لعبيرك
خسارة ما لقيتك في ايديني
بكيت من العطش وانا بغديرك
شربت من الظما دمعات عيني
سقى الله ما مضى وايام خيرك
علي قلبك واعرف إنك تبيني
تذكر يوم قلبي مثل طيرك
على كيفك ورايك كل حيني
عطيتك كل ما يملا نظيرك
وعز اللي تمنى مع سنيني
تذكر ليلة القمرا عشيرك
وتعرف قدر حبك يا ظنيني
عيون الشمس تعرفني سهيرك
بقايا الليل نجمة في جبيني
أنا بالعكس يزعلني مصيرك
أنا جربت جرح العاشقين
حبيبي بالعتب ما أحب أثيرك
غلا ماضيك في قلبي وعيني
غلا ماضيك في قلبي وعيني
ليست هناك تعليقات:
إرسال تعليق