مسكينه يا غزه ...

يؤسفني ان أشاهد هذه الأحداث الدمويه من دماء المسلمين في غزه
وبكل وضوح نرا الحكومات العربيه ساكته برغم من انه امريكا
خالفت بالعهد الي بينا بخصوص قضية غزه لكن شي متوقع دام الكبار عندهم اساسا صهاينه
محطة الكهربا الوحيده في فلسطين فجروها
يعني عايشين من غير كهربا تخيل؟

لا ننسى الحصار الي الأكل حتى ما يوصل لهم ..مو كافي الفقر الي اهما فيه فليش بعد اسرائيل حاطه دوبها بدوبهم

بحيره الدم صارت منظر طبيعي عندهم وماهو شي يديد

الدموع الي تعمي العين من كثرها ..دمع ما ينعد ولا يحصها وكله حسره على العرب ..ياخي حس فيهم يا مسلم


بذمتك مو حرام الي تشوفه .. ياخي حتى ما بلغو ولا وصلوا عمرو الزهور ومسدحينهم بالمقابر

هل تعلم انه احد المساجد دمروها وكان فيها 60 شخص .. هل تسكت عن هالشي؟

شنو بيدنا نسوي؟
أخي المسلم
اذا كنت غني والله معطيك رزق ..ياخي تبرع حتى لو 100 دينار.. تعيش عايله كامله هناك -
فيه شي اسمه الجهاد بالمال إن لم تقدر ..
اذا ما تقدر تسوي شي.. ادعي لهم في صلاتك من قلب .. -
واذا كنت شجاع ..سافر وعطهم روحك ..-


لا نكون قوم يضحك علينا الأعداء .. قوم مالهم كلمه
اذا حكومتنا مافيها خير... , احنا الشعوب فينا الخير


اللهم دمر اعداءنا تدميرا .......

نسيتني.....

نيستني...
كنا ربع سنين زمان واحنا صغار نركض بفريجنا.. ونلعب ويا بعض
كنت لي أكل التفاحه وانا بروحي ما اكملها واضمن نصفها لك
عزيز وغالي رفيج كل طرف من احوالي
دنيتنا كانت كلها مسانده لبعض
لي شفتني زعلان كنت تسهرجنبي لي صباح الفير بس عشان تشوفني راضي
تسأل عني في فراقي , تنصحني في غلطتني ..
يوم كنت بمشكلة كنت انت اول واحد يفزع ويوقف جنبي
اعتبرتك مثل اخوى واعز بعد منه ..
طافت سنين وبلغنا والحين نسيتني يوم لقيت عروسة حياتك
ادق عليك ما تشيله تراني ماني بغريب ..انا الشخص الي حتى والدتك ربتنا ويا بعض
احيانا في العطل يوم كنت ابيت ليالي عندك ايام كنا شباب
مشاغل الدنيا فارقتك عني .. ماهو عذر ياما ناس مشاكلها تكسر الظهر ما عمرها نست تسأل عن اهلها
ليش انت بالذات جذي ما هقيت منك تطلع من الي ينسون عشره عمر بلحظة
ييت في عرسك باركتلك وابتسمت يوم شفتك ابتسمت وانت قاعد ويا العروس
بس تنساني عشانها؟ لا بارك الله فيك من ريال .. ينسى ربعه عشان زوجته ..
تذكر شي واحد لي جاني وقتي من هالدنيا وفراقها ..تذكر اني مازلت اعزك وتمر ببالي ذكرياتك دوم
لكن انت الي نسيتي للأسف.... نسيتني

GoOD LuCk eVerY1

السلام عليكم ورحمة الله وبركاته..

بما إن كلنا نمر بفترة إمتحانات.. حبيت أحط أدعية للدراسة أو المذاكرة :)

قبل المذاكرة يعني قبل الدراسة :اللهم إني أسألك فهم النبيين وحفظ المرسلين والملائكة المقربين ؛ اللهم اجعل ألسنتنا عامرة بذكرك وقلوبنا بخشيتك وأسرارنا بطاعتك انك على كل شيء قدير وحسبنا الله ونعم الوكيل.

بعد المذاكرة بعد الدراسة :اللهم استودعك ماقرأت وماحفظت وماتعلمت فرده عند حاجتي إليه انك على كل شي قدير.

**الدعاء عند الخروج من المنزل والتوجه للامتحان**(اللهم إني توكلت عليك وسلمت أمري إليك لا ملجأ ولا منجأ منك ألا إليك)

**الدعاء عند دخول لجنة الامتحان**(ربي أدخلني مدخل صدق وأخرجني مخرج صدق وأجعل لي من لدنك سلطاناً نصير)

قبل استلام ورقة الإجابة:آية الكرسي.عند استلام ورقة الإجابة:"ياحي ياقيوم برحمتك استغيث"

عند بداية الإجابة:"اللهم اشرح لي صدري ويسر لي أمري واحلل عقدة من لساني يفقه قولي بسم الله الفتاح اللهم لا سهل إلا ماجعلته سهلا وأنت تجعل الحزن إذا شئت سهلا..

عند تعسر الإجابة :"لا اله إلا الله سبحانك إني كنت من الظالمين ..ياحي ياقيوم برحمتك استغيث رب إني مسني الضر وأنت ارحم الراحمين".

عند نسيان الإجابة:اللهم ياجامع الناس ليوم لا ريب فيه اجمع علي ضالتي"

عند تسليم ورقة الامتحان:"الحمدلله الذي تتم بنعمته الصالحات".

ليه هاللحظة تجيني؟؟

تجيني بعد ما حبيت غيرك

حبيبي ليه هاللحظة تجيني؟؟

حسايف توك تغير مسيرك

تجي يوم انطفت شمعة حنيني

صبرت سنين أبي صحوة ضميرك

ولا فكرت في اللي صار فيني

زرعتك ورد واشتقت لعبيرك

خسارة ما لقيتك في ايديني

بكيت من العطش وانا بغديرك

شربت من الظما دمعات عيني

سقى الله ما مضى وايام خيرك

علي قلبك واعرف إنك تبيني

تذكر يوم قلبي مثل طيرك

على كيفك ورايك كل حيني

عطيتك كل ما يملا نظيرك

وعز اللي تمنى مع سنيني

تذكر ليلة القمرا عشيرك

وتعرف قدر حبك يا ظنيني

عيون الشمس تعرفني سهيرك

بقايا الليل نجمة في جبيني

أنا بالعكس يزعلني مصيرك

أنا جربت جرح العاشقين

حبيبي بالعتب ما أحب أثيرك
غلا ماضيك في قلبي وعيني

eQle6.. why eqle6?? :pPp~

السلام عليكم ورحمة الله وبركاته :)

اسم الـ Blog .. اقلط!!

شمعنى اقلط..؟

مادري بصراحة >>> هالسؤال يجاوب عليه غيري ;)

بس اللي حبيت اقوله انه NiCe NaMe بصرااحة..

يعني يعبر عن الكرم =) >>> انا اشهد

.. ترى مااكو شغل .. >> صج والله لا تقروون

عمووما.. انا احس بملل كبييييييييييييييير .. ضاايق خلللفي

الساعة 5 الصبح والدوام 7.. من لـــــــه خلللللللللللللللللق

ترى اخلص الساعة 5 العصر او المغرب او whateveR

anyWay

اخليكم الحين..

والفاضي يكتب الواجب >>>> س: وظف كلمة (اقلط) في جملة مفيدة.

على طااري الواااااااجب.. >>>>>>>>>> ماااكتبته

اخليكم :s

LatEr

ee waLLah!!

تحبني للحين ؟..

والا تناسيت ..؟!

هذا الذي في غيبتك ماعرفته

اللي اعرفه شي اني تمنيت ..

"أنسى غلاك" .. وكل ماانسى ذكرته :(

متعلق ٍ في الحب .. من يوم حبيت

حتى حبيبي XالموتX لجلك وصلته

وإن كان بغيابك عليَ تغلّيت ..إنتا تراك أغلى من الحب انتا

بنيت انا في داخل القلب لك بيت ..((القلب بيتك وانت وحدك سكنته))

......ومااعتقد عنك في لحظه تخلّيت

..حتى الزعل منك حبيبي عشقته ..

...

انا الي غليتك ورفعت عالي
يوم بكيتي والدنيا همت عليك ..اعطيك الوان قوز قزح الي تلهيك
وكنت بجانبك اساندك بالكلام الي يرسم في وجهك البهجة والسرور
وسمعت ذيج الضحكه الي يا دوم إشتقت لها وأثرها علي..
أعطيك قلبي وفتحت ابوابه ومفتاحه بأسمج مغلوق
وفجأ دارت الدنيا ولا عبرتيني.. وين الكلام الي قلتيه عني
وين الكلمه الي كنت اعتبرها صج يوم قلتيلي احبك ..احبك موت
اكتشفت انج ما تدورين الا مصلحتج يوم خذيتيها مني بعتيني برخيص
حنيت عليك لكن طلعتي بلا احساس ..لا عبرتيني ولا اهتميتي للدموع النزاله عشانج
يا تافهه نعم انا احتقرج بعد كل الي سويته عشان اسعدج..وتخوني على شنو
احاول اواجهج واطلع السبب لكن انتي داريه انك غلطانه ولا تقدرين تواجهيني من غير خوف
كنت متوقع منك ما تثبتين اقوالج الا انه مجرد كلام لكن فراغ لا ما توقعت وخيانك ولا طرت على بالي
بس شقول.. قلبي الصافي توصخ من روحك الفاسده ..البلا مو فيج من تربية المكان الي تكونتي فيه
أنشهد بنت الحلال ما تيي الا من المكان الصحيح ..البنت الصالحه ما تطلع الا لو امها صدرها مملوك حنان
ياريت لوتقطر دمعه وحده على خدج تحسف عشاني وأسف لكن ترجعين بعد غياب دام سنين وتسألين عني ببرود تام
من غير اشتياق وتضنين راح اقبل رجوعج لحياتي ..لا والله لأا .. انا ماني بلعبة لي زهقت رجعتي
لعبتي فيني ..انا انسان لي كرامتي واحساسي الي يحترمونه الأوادم مو شياطين الأنس مثلج انتي واشكالج
الي مافي قلبها رحمة يا ناس .. خليني لوحدي استقر والقى الي كفو يتحمل روحي ويحميها